容量： 720ml
酒精度：37%

「日本威士忌都有咁重煙燻味㗎咩? 」，「5年酒先賣300幾? 真定假呀?」無錯呀，堅重煙燻味，堅抵飲呀! 不過! 佢真身其實係一支37度的麥燒酎，但我相信於盲飲的情況下，大部份飲家均會誤認其為威士忌!

鹿兒島的田苑酒造於1985年推出了日本第一款以木桶熟成的麥燒酎「田苑 Gold」，為慶祝其推出40週年，田苑酒造決定挑戰煙燻風味，推出一款以艾雷島威士忌桶熟成5年的全新麥燒酎 ─ 「燻香」。

試試淨飲。聞香是煙燻、呍呢嗱及輕輕的蜜餞甜香。酒體較輕身，酒精的刺激感很低，味道是麥甜、黑朱古力及煙燻氣息，到了結尾，煙燻味道漸漸過渡至焦木及灰燼感，真心smoky!

除了當威士忌般淨飲外，酒造亦建議飲家以1:1的比例將此品調兌開水，於不失濃烈煙燻的情況下，搭配煙肉、芝士、乾果、黑朱古力等食物，簡直是絕配。如果是要搭配炸物或煎炸零食的話，酒造則建議以1:3的比例混合梳打水，以加強酒品的爽快感及甜度。

田苑酒造另一大特點，就是名為「音樂仕込み」的熟成方法。酒造於熟成酒液期間，24小時不停的在Loop貝多芬等古典樂，以音樂的聲波震動去賦予酒液不同的味道……你以為這是Gimmick? 專業耳機生產商 Audio-Technica就曾跟田苑酒造合作推出3款分別「聽住」古典樂、J-Pop、Funk熟成的芋燒酎，以表現出音樂對味道的影響! 可見人家是相當認真的!